RIT - lyden av «det indre liv»
RIT er ei nyskrive konserframsyning av Reidun Horvei og Katherine J. Hanson, som tek utgangspunkt i Olav H. Hauge si dikting. Framsyninga kan ein få med seg i stovene på klosteret førstkomande fredag.
Publisert
– Med Olav H. Hauge sin forfattarskap som grunnlag fremjer RIT interessa for lyrikk gjennom fleire kunstuttrykk. RIT er forma som ein monolog som vekslar mellom resitasjon, forteljing og song, skriv Halsnøy kloster i sin føreomtale av arrangementet, og legg til at målet med framsyninga er å føra publikum inn i tankar, kjensler og rom dei ikkje har gjesta tidlegare.
Det er lyden av «det indre liv» som vert freista funne.
Annonse
Musikken er skrive av Inger-Kristine Riber- Ragnhild M. Gudbrandsen medverkar som regussør og kunstmålar, medan Thomas Phil sitt utval av eigne måleri dannar eit digitalt bakteppe for framsyninga.
– Kun 30 plassar, så her er det fyrste mann til mølla som gjeld, melder Halsnøy kloster.
