Ringside når Ragnhild går VM

Grenda tok ein telefon til Atle Helland, som er ein av dei som er der nede i dag, for å lodda stemninga der nede. Helland kunne fortelja at dei var akkurat på veg inn på stadion, og han kunne melda om strålande vêr og yrande liv.

– Her myldrar det av folk, det er masse buer av ulike slag og fleire øltelt. Det er heilt annleis enn heime i Norge, her er det mykje meir fest og basar og hæla i taket-stemning. Fleire har kledd seg ut med norske flagg, og me føler oss veldig godt motteke, kan ein strålande nøgd Helland fortelje.

– Me har dei siste 7-8 åra hatt ein slik tur. Me har vore blant anna vore i Tsjekkia og fleire andre stader i Tyskland, men dette fyrste gong me er her i Oberhof. Det er veldig god stemning, og alle heiar på alle, fortel han vidare.

– Kva forventingar har de til Ragnhild i dag?

– Me må jo vera realistiske, men me håpar ho kjem til å gjera det godt brukande. Me skal i alle fall gjera vårt med å heia skikkeleg, så må ho gjera resten, svarer han.

Grenda får vidare opplyst at dersom Ragnhild blir ein av dei 30 beste, så går ho vidare til jaktstart, som går av stabelen på søndag.