Reverock på biblioteket
Måndag 14. mars er det elevfri dag i kommunen. Kvinnherad bibliotek veit kva borna kan fylla dagen med, og ønskjer velkomen til reverock.
Publisert
Sist oppdatert
– Mikkel og reverockerne er nokon ordentlege luringar som seier at dei samlar barnetekstar, men i røynda rappar dei tekstar frå gamle, kjente barnesongar som dei puttar inn i songane sine og lagar nye rocka låtar av dei, skriv biblioteket om hendinga.
Men i tillegg til å røve barnesongar og trylle dei om til rockemusikk, blir dei skildra som nokre sleipe og sleske karar, som er kjend for sin råe latter.
Annonse
- Nokon meiner at dei til og med jukser med applausen og brukar ein applausgeneratorforsterkar (AFG) under konsertane sine. Nysgjerrig på kven desse luringene er? Kom på konsert, då vel, inviterer biblioteket.
Hendinga er gratis, men det er avgrensa plass. Dei som ønskjer å bli kjend med desse luringane kan melde seg på per e-post til: bibliotek@kvinnherad.kommune.no
