Remi viser fram Rosendal i TV BRA
I sesong-avslutninga til TV BRA får sjåarane vera med Remi Nerhus på ein liten rundtur i Rosendal.
Publisert
TV BRA er ein landsdekkande TV-kanal i sterk vekst, av, for og med utviklingshemming i Noreg.
– Vi ynskjer å la utviklingshemma fortelja sine eigne historia. Diskriminering, politikk og kvardagsgleder - TV BRA snakkar om det, står det på TV BRA si nettside.
Annonse
For Remi Nerhus var ikkje dette første gong han gjestar TV-kanalen. Sommaren 2020 var nemleg TV BRA med Remi på traktorturne i Rosendal. I tillegg var han på besøk hos dei i Bergen.
Sommar og ferietid
I den nyaste episoden til TV BRA, som har temaet sommar og ferietid, er dei på besøk hos Remi i Rosendal. Under besøket tek han kanalen med på ein rundtur i Rosendal, og viser mellom anna fram Steinparken, Folgefonnsenteret og Baroniet Rosendal.
– Velkomen til flotte Rosendal. Dette er ein kjempe fin stad. Her er det masse liv, innleiar Remi i sendinga, før han tek sjåarane med til Folgefonnsenteret.
Annonse
