Rekordmange vel norgesferie i påsken
Sidan 2014 har NHO årleg gjennomført ei spørjeundersøking for å kartleggja påskeplanane til nordmenn. Tala frå årets undersøking viser at rekordmange har planar om påskeferie i Norge.
Publisert
Tala er basert på ein «påskegallup» gjennomført av Norstat. 1015 personar deltok i undersøkinga, som viser at annankvar nordmann skal på påskeferie i år, og at 85% av desse skal feriera innanlands. Dette er det høgaste talet sidan undersøkingane starta i 2014.
66% av dei som skal på påskeferie i Norge skal på hytta, medan 7% skal bu på hotell. 19% av dei spurde har meldt at dei legg påskeferien utanlands. Friluftsliv og skiaktivitetar det flest kjem til å nytte tida si på, medan andre populære aktivitetar er gode mat- og vinopplevingar, byferie, spa og kulturopplevingar.
Annonse
Glad mange vel Norge også i år
Kristin Krohn Devold, administrerande direktør i NHO Reiseliv, trur mange vil setja ekstra stor pris på årets påskeferie.
– I 2020 var det hytteforbod i påsken og i fjor var det full skjenkestopp og mange stengte hotell og restaurantar. I år kan vi reise kor vi vil, nyta god mat og drikke og dasne på afterski etter ein lang dag i skibakken. På vegne av norsk reiseliv og skidestinasjonane spesielt er eg utruleg glad for at rekordmange nordmenn vel Norge også denne påsken, seier ho til NHOreiseliv.no.
