Rekordløp under Lysebotn Opp
Denne veka går Blinkfestivalen av stabelen i Sandnes, Ålgård og Lysebotn, og på festivalen sin fyrste dag synte gjengen frå Kvinnherad svært god form under motbakkeløpet Lysebotn Opp.
Det var Uskedalen.no som fyrst omtala saka, og som melder om gode resultat frå løpet. Vidare skriv nettstaden at deltakarane frå Kvinnherad representerer respektive Rosendal TL og Uskedalen IL gjennom Amalie Sundal Utne, Peder Sundal Utne, Cecilie Sundal Utne og William Samland Eik.
Ikkje berre var arrangementet svært heldige med veret, men heile gjengen frå Kvinnherad enda opp med ny personleg rekord, skriv Uskedalen.no.
Annonse
Med på rennet var også to nyutflytta kvinnheringar, Celina Enes-Seberg og Julian Enes-Seberg, som no går for Hovden Sportsklubb. Dei gjorde det også bra med ein 2. plass og ein 5. plass.
Her er resultata for delegasjonen frå Kvinnherad:
* Amalie Sundal Utne kom på 2. plass med tida 17,36 i klassen J12
* Peder Sundal Utne kom på delt 7. plass med tida 15,17 i klassen G12
Annonse
* Cecilie Sundal Utne kom på 5. plass med tida 13,08 i klassen J14
* William Samland Eik frå Uskedalen fekk ein 4. plass på tida 9,52 i klassen G16
