Regjeringa støttar å avlyse eksamen i vår: - Endeleg avgjerd vil bli fatta om kort tid

31. januar vart det kjend at Utdanningsdirektoratet anbefalte å avlysa alle eksamenar for elevar på grunnskule og i vidaregåande opplæring denne våren.

No har regjeringa stilt seg bak anbefalingane, og melder om at endeleg avgjerd vil bli fatta om kort tid.

Privatisteksamen og eksamen for elevar som treng eksamen for å bestå faget skal blir gjennomført, slik som i fjor. Fag- og sveinneprøvar skal også bli gjennomført som normalt.

Kunnskapsminister, Tonje Brenna, seier i ei pressemelding frå regjeringa at det ikkje har vore noko lett avgjerd å ta, då ho meinar eksamen er ein viktig del av sluttvurderinga til elevane.

– Men elevane sin skulekvardag har no vore prega av pandemien i snart tre skuleår. Avlysinga gjer at elevane får mest mogleg ut av resten av skuleåret, og lærarane får best mogleg grunnlag til å setje standpunktkarakter, når situasjonen er som den er i dag, seier ho.

Fleire omsyn å ta

I rapporten som Utdanningsdirektoratet la fram i slutten av januar, vart fleire alternativ lagt fram. Likevel ser det ut som at avlyste eksamenar ser ut til å bli realitet denne våren òg.

Særleg tre omsyn vart lagt vekt på i rapporten. Omsynet til likebehandling av elevane, omsynet til ein rettferdig sluttvurdering og omsynet til elevane sin motivasjon, trivsel og læring. Samstundes vart det vurder kva som var mogleg å gjennomføre i praksis, og usikkerheit rundt elevfråvær har også spelt inn.

– Vi ynskjer å gi lærarane tid, ro og moglegheit til å gi opplæring etter intensjonane i læreplanen. Ha pusterom til å snakke med elevane, utfordre og la elevane samarbeide med kvarandre. Vi har tillit til at de kjenner elevane best og veit kva dei treng no, sluttar Brenna.