Regjeringa aukar straumstøtta

– Gardsbruk med driftsbygningar og hushaldingar får også desse 80%. Det kjem saman med alle dei andre tinga som regjeringa no har gjort, som til dømes tre milliardar i reduksjon i el-avgifta. Der vil publikum sjå at det går ned med 8 øre/KWh på nettleiga januar til mars. Ei hushalding som brukar 3000 KWh i månaden får nærare 3000 kroner i reduksjon, etter mine kalkulasjonar, seier Hans Inge Myrvold til Grenda etter at støtta vart gjort kjent.

Han fortel også at det har gått ut ei sterk oppmoding frå regjeringa til straumselskapa om å leggja til rette for oppdeling av rekningane.

– Alle som ser at dette blir for tøft, bør ta kontakt med sine straumselskap for å få dela opp rekninga og fordela ho utover året. Det er noko som selskapa vil få sterk oppmoding om å hjelpa til med, seier Myrvold.

I ei pressemelding frå regjeringa skriv dei at dei har lytta til folks tilbakemeldingar og sørger no for at ordninga blir styrka.

– Det er viktig for oss at folk skal kunna leva vanlege liv, sjølv om me no opplever heilt uvanlege straumprisar. I Norge stiller me opp for kvarandre når det røyner på, sluttar pressemeldinga.

Dette er dei viktigaste tiltaka i straumpakken til regjeringa:

• Direktestøtte til straumkundane over nettleiga (med støttedel på 55 prosent i desember og 80 prosent i januar, februar og mars): 8,9 milliardar kroner (inkl. meirverdiavgift)

• Redusert el-avgift: 2,9 milliardar kroner.

• Auka bustøtte: 1,2 milliardar kroner.

• Auka støtte til studentar: 196 millionar kroner.

• Auka støtte til kommunane for meirutgifter til økonomisk sosialhjelp: 400 millionar kroner.

• Støtte til ENØK-tiltak gjennom Enova: 100 millionar kroner.

• Midlertidig tilskot til veksthusnæringen: 170 millionar kroner