Regional plan for kultur, idrett og friluftsliv
Vestland fylkeskommune ynskjer innspel til korleis kulturlivet, idretten og frivilligheita i regionen skal formast dei neste åra. 26. september inviterer dei til høyringsmøte på Stord.
Publisert
Det er arbeidet med «Regional plan for kultur, idrett og friluftsliv 2023-2035» som no ligg føre, og innspelmøtet som vert halde i Sunnhordlandsregionen er lagt til Stord kulturhus.
Dei som møter opp vil bli orientert om planen, samstundes som deltakarane kan kome med innspel.
Annonse
«Døme på viktige innspel er behov for lokale til kulturaktivitet, formidling av aktivitet og tilbod, finansiering av prosjekt og tiltak, behov for nettverk og kunnskap», heiter det i høyringsuttalen til planen.
Fire satsingsområde
Det er fire sentrale tema som er vedteke som plantema; Vestland – ein leiande region for kultur, idrett og friluftsliv, Berekraft, Demokrati, deltaking og mangfald, samt Verdiskaping. Plantema er dei områda som skal jobbast særskilt med dei neste tolv åra.
«Dei skal gi rom for konkret handlig om utforming av dei felles satsingane dei neste åra. Måla i utviklingsplanen styrer også prioriteringane i arbeidet vidare.»
Annonse
Dette skriv Vestland fylkeskommune på nettstaden sin.
Fylkestinget skal vedta planen våren 2023.
