Redda ned frå fjellsida

I 13-tida torsdag vart ein person henta ned frå fjellsida til like ved Laurdalselva, elva som renn ned midt mellom dei karakteristiske fjelltoppane Meldreskin og Laurdalstind.

Helikopteret sette ned to personar for å hjelpa den skadde.

Etter ein tur nedom idrettsbanen i Rosendal var helikopteret attende i fjellsida og henta med seg den skadde personen opp i helikopteret. Helikopteret landa deretter på ein bakke i inngangen til Hattebergsdalen, der ein person ifølgje vitne halta ut av helikopteret for eigen maskin.

– Me har ikkje fått informasjon om noko redningsaksjon, seier politistasjonssjef Sigurd Børve på spørsmål om dei kjenner til oppdraget til luftambulansen.