Råka av korona: Innstiller ferje
Som følgje av at store delar av mannskapet på ferjesambandet Ranavik - Skjersholmane har blitt råka av Covid-19, er rute II i sambandet innstilt. Regionleiar i Fjord 1 Geir Vangen er fortvila over situasjonen.
Publisert
Sist oppdatert
– Mannskapet er så hardt råka av korona at me ikkje har kapasitet nok til å drifta begge ferjene. Det var difor naudsynt å innstille rute II, seier regionleiar i Fjord 1 Geir Vangen til Grenda.
Rute I i sambandet vil gå som normalt.
Annonse
– Det går ferje, berre ikkje så hyppig. Me skulle gjerne vore forutan dette, for det er svært krevjande då folk kjem på jobb men må gå heim grunna smitte. No treng me nok nokon veker på oss, og så håper me situasjonen stabilisera seg, seier han.
Oppfordring til dei reisande
Vangen har også ei oppfordring til dei reisande.
– Det er viktig at den enkelte reisande tenkjer gjennom kva som gir minst sannsynlegheit for å unngå smitte. Ein bør også tenkja gjennom kva ein kan gjera for å unngå å smitta andre.
