Ragnhild sikra EM-gull på blanda stafett
Noreg tok EM-gull på blanda stafett i skiskyting i tyske Arber søndag føremiddag. Ragnhild Femsteinevik sikra sigaren etter ein solid siste etappe. Dette vart den sjette norske medaljen og det femte gullet i årets skiskytter-EM.
Publisert
Sist oppdatert
Ragnhild Femsteinevik starta med ein bom og tre ekstra skot på liggjande skyting. Ho gjekk med det ut som nummer to, 10,9 sekund etter Tyske Schneider. Ein bom og eit ekstraskot var likevel ingen problem. Ragnhild sikra gullet for Noreg 18,6 sekund føre det tyske laget.
Jenta frå Hatlestrand kunne med det kryssa mållinja med det norske flagget heva over hovudet.
Annonse
Det norske laget bestod av Erlend Bjøntegaard, Johannes Dale, Jenny Enodd og Ragnhild Femsteinevik.
Sveits tok bronse nesten fem minuttar bak Noreg og Tyskland.
Vann EM-gull i sprint fredag
Ragnhild tok også EM-gull fredag då ho var feilfri på standplass og gjekk inn til siger i kvinnesprinten i skiskytter-EM.
Annonse
Her hadde ho berre 0,7 sekunder til gode på den tyske veteranen Franziska Hildebrand, men likevel vann ho med 3,7 sekund.
