Psykisk helsevern: Ledige verv i fem av fylket sine kontrollkommisjonar
Det skal vera ein kontrollkommisjon ved kvar institusjon der nokon er under psykisk helsevern. No er det ledige verv i fleire av desse i Vestland fylke.
Publisert
Hovudoppgåva som er tillagt kontrollkommisjonane er å sikre rettstryggleiken til den enkelte i møtet med det psykiske helsevernet.Vidare kontrollerer kommisjonen tvangsvedtak, behandlar klager og fører velferdskontroll, skriv Statsforvaltaren i Vestland.
Det er same instans som informerer om dei ledige verva, samt som oppnemner medlemmar til kontrollkommisjonane.
Annonse
Eitt av dei ledige verva gjeld for Sunnhordland, Hardanger og Voss. Dette er ledig frå 1. januar 2023.
For å bli oppnemnd som medlem kan ein ikkje jobba i psykisk helsevern sjølv, eller ha andre bindingar til institusjonen som høyrer inn under kontrollkommisjonen.
«Søkjar kan sjølv ha erfaring frå psykisk helsevern som pasient eller pårørande til pasient. For arbeidet i kontrollkommisjonen er det naudsynt å ha eit avklart forhold til eigen sjukdom», heiter det i utlysingsteksten.
Søknadsfristen er sett til 20. august.
