Politiet ynskjer kontakt med vitne til eldre, oransje camping-/varebil
Politiet i Kvinnherad ynskjer å koma i kontakt med personar som kjenner til ein eldre, oransje camping- eller varebil.
Publisert
Sist oppdatert
Natt til torsdag 7. november vart fire naust utsett for innbrot og tjuveri ved Veikjasteinen på Ænes.
«Veg ned til naust frå fylkesveg 500 er sperra med låst bom. Denne vart kutta og dører inn til naust vart brotne opp. Det vart stole to påhengsmotorar; éin Yamaha 9,9 hk og éin Honda 15 hk. I tillegg vart deler til ein 40 hk stole», opplyser politioverbetjent Torgeir Fosse i ei pressemelding.
Annonse
Politiet har fått vita at det natt til torsdag 7. november, omlag ved midnatt, vart observert ein eldre oransje camping-/varebil i området.
«Politiet er interessert i å koma i kontakt med personar som var i denne bilen, eventuelt andre som har opplysningar om ein slik bil», skriv Fosse.
