Politiet lanserer eigen app
Politiet har lansert ei ny teneste til innbyggjarane; mobil-appen Politiloggen.
Tenesta er nasjonal og gjev innbyggjarane dei siste oppdateringane frå operasjonssentralane i heile landet, også frå Vest politidistrikt, kjem det fram i ei pressemelding.
Ledd i prosessen
Annonse
– På denne måten kan me gje innbyggjarane direkte informasjon utan at dei treng logga seg inn eller gje frå seg persondata. Politiloggen har eksistert på politiet.no eit års tid, det nye er at du no kan få varslar rett på mobilen når me publiserer informasjon frå Vest politidistrikt, sa kommunikasjonsdirektør i Vest politidistrikt Arne Lutro.
– Det er også mogeleg å velja kommune eller spesielle tema du er interessert i, som til dømes trafikk, dyr, ulukker eller ro og orden for å nemna noko, legg han til.
Utviklinga av appen er eit ledd i prosessen med å flytta innbyggjarinformasjon frå X og over på politiet sin eigen plattform, står det i pressemeldinga avslutningsvis.
