Politiet har auka beredskapen
Politiet har torsdag auka beredskapen grunna dei store nedbørsmengdene. Samstundes varslar Vegtrafikksentralen om flaumfare i Halsnøytunnelen.
Publisert
Sist oppdatert
Ekstremvêret Jakob er i full gang, også i Kvinnherad. Det er som kjent sendt ut raudt farevarsel for regn, flaum og rasfare.
«Politiet oppmodar befolkninga om å vurdera nødvendigheita av ferdsel på vegar i område som er omfatta av varselet. Politiet ber også befolkninga om å oppdatera seg i media, nettstader som yr.no, varsom.no, 175.no og eigen kommune si heimeside. Per no har politiet ikkje rykka ut på nokon vêrrelaterte hendingar, men vêret er venta å ta seg opp utover dagen, og politiet har auka beredskapen for å trygga befolkninga».
Annonse
Det skriv Vest politidistrikt i ei melding litt før klokka 10 torsdag føremiddag.
Fjellandsbø
Vegtrafikksentralen har sendt ut varsel om flaum i Halsnøytunnelen. Berekna sluttid er sett til klokka 12.50.
Ei rask undersøking Grenda har gjort, viser at det hittil er Fjellandsbø i Uskedalen og Nordrepollen som har fått mest nedbør, med høvesvis 76,6 og 69,9 millimeter.
