Politiet fekk melding om skot: – Trudde det var ulovleg jakt

Torsdag kveld kom det inn melding til politiet om høge smell i Rosendal.

– Meldar trudde det kunne vera snakk om ulovleg hjortejakt, og ville derfor gi beskjed. Då patruljen kom til staden, trefte dei derimot på fire ungdommar som skal ha fått tak i fyrverkeri, fortel politistasjonssjef Sigurd Børve.

Ifølgje han skal ungdommane deretter ha skote opp fyrverkeriet.

– Patruljen gav dei fire ungdommane ei åtvaring. Eg sit på litt for lite info om saka, men utifrå det eg ser så skal det ikkje ha blitt gitt ut noko pålegg, sluttar Børve.