Pizzakveld i Valen kyrkje
Valen kyrkje håpar på gjester i alle aldrar når dei inviterer til pizzakveld førstkomande laurdag.
«Det har vore fantastisk å oppleva den gode spreiinga i alder på dei som kjem på pizzakveldane. Her har vore ei god blanding av born, ungdom, vaksne og eldre», skriv dagleg leiar i kyrkjelydsarbeid Jan-Ove Fagerheim i ei pressemelding.
Det står underhaldning og leikar på programmet, samt song, utlodding, og andakt ved Astrid-Helene Fagerheim Eknes. Utover kvelden er det planlagt leikar, spel og aktivitetar for ungane, medan dei vaksne kan la praten gå. Fagerheim skriv vidare at alle spleiser på utgiftene for kvelden.
