Pizzakveld i Valen kyrkje returnerer

– Dette er eit familiearrangement retta mot alle, både unge og eldre. Det har vore fantastisk å oppleva den gode spreiinga i alder på dei som kjem på desse pizzakveldane. Her har vore ei god blanding av barn, ungdom, vaksne og eldre. Det er unikt med ei samling der generasjonane kan fungere så godt saman på tvers slik som dette, skriv Jan-Ove Fagerheim om kveldane.

Det vert ein programdel med underhaldning, leikar, song og andakt ved Kristine Hestad. Denne kvelden syng Singing Tweens frå Uskedalen, før det blir servert pizza.

– Utover kvelden kan dei vaksne la praten gå medan det vert ulike leikar, spel og aktivitetar for barna, sluttar Jan-Ove Fagerheim.