Person i varetekt etter innbrot og tjuveri

Natt til søndag fekk politiet melding om ein bil som var stolen frå ei adresse på Sunde. Kjenningar av bileigaren observerte bilen på Husnes på søndag føremiddag, og rundt klokka 13 søndag rykka politiet ut til adressa.

– Der tok me hand om tre personar. To av desse vart vurdert til å ha hatt ei perifer rolle, og dei vart difor dimmitert. Den tredje av desse sit framleis i politiet si varetekt, fortel politistasjonssjef Sigurd Børve til Grenda.

Det hadde samstundes skjedd eit innbrot i eit husvære på Sunde, og delar av tinga som var meldt stole frå huset vart funnen att i køyretyet.