Påskeegg frå Norsk Tipping
Ei kvinne i 60-åra frå Kvinnherad kunne jubla over å bli oppringt på sjølvaste påskeaftan.
Publisert
Sist oppdatert
– Jippi, jubla ho, og dei ho hadde med seg, til bodskapen som vart lagt fram av Norsk Tipping.
Ho hadde vunne ein million kroner i Supertrekninga, som denne kvelden enda på ein pott på 51 millionar kroner. Ho var såleis ein av 49 vinnarar av 1 million kroner, medan to andelsbankar på ti spelarar kvar vart tildelt 100.000 kroner kvar.
Annonse
– Heilt fantastisk! Eg burde kanskje halde det hemmeleg, her sit jo halve familien, lo Kvinnherad-kvinna i telefonen.
Kvinna visste elles ikkje kva ho ville nytta pengane til, men undra om det ikkje ville gå med nokre kroner til familien sitt nybygde hus.
– Så sit det nokon bak meg her og supplerer at «du har jo nokon ungar òg», så vi får sjå, avslutta ho lattermildt.
