Pålegg om opprydding av privat fylling
Kommunen har vore på synfaring til den gjeldande eigedomen og meiner forsøplinga er i strid med forureiningslova.
Publisert
Sist oppdatert
Ein grunneigar i Kvinnherad har tippa ymse massar på eigedommen sin. I ein samtale med Tore Eik på på landbruksavdelinga vart det forklart at massane var reine, og at det var snakk om trematerialar frå eit stabbur.
Kommunen har etter samtalen motteke ei melding og bilete frå ein person som undrar om slik avfallshandtering er lovleg.
Annonse
Ureine og skjemmande avfallsmassar
Dette fekk kommunen til å føreta ei synfaring til området, der dei fekk stadfesta at massane ikkje var reine.
«Det vart då observert mykje forskjellig avfall som er ulovleg å etterlate seg ute i naturen», skriv dei i påleggsbrevet, og held fram:
«Kommunen vurderer fyllinga som ei ulovleg handtering av avfall og vil med dette varsle deg om pålegg om opprydding av avfallet som er vorte dumpa.»
Annonse
Kommunen argumenterer samstundes med at avfallshandteringa er skjemmande og kan skade eller vera ei ulempe for miljøet. For å unngå pålegg må vedkomande rydde opp og fjerne alt avfall, sende skriftleg tilbakemelding til kommunen innan åtte veker, samt kvittere for at avfallet er levert til eit godkjent renovasjonsmottak.
