På vegen for norsk mat

– Eg får seia som Pippi; dette har eg aldri gjort før, så det kan sikkert gå bra, seier nestleiar i Vestland Bondelag Marianne Nordhus i samband med kortesjemarkeringa.

Ho legg tidleg måndag morgon i veg på traktor frå Voss til Stortinget med bodskap til den norske regjeringa.

Over heile landet har bønder sett seg i traktoren og køyrt ut på vegen for å seie si meining om årets jordbruksoppgjer.

– Regjeringa syner ikkje vilje til å gje norsk matproduksjon det inntektsløftet som skal til for å skape framtidstru, slår bondelaget fast.

I dag er traktorar på veg frå Uskedalen til Voss, der det blir byte av mannskap og vegen går vidare mot Oslo via Lærdal.

Kortesjen kom i land på Gjermundshamn, der bøndene frå Ølve og Hatlestrand stod klare til å bli med. (Video: Gunn-Bente Stølen)

På vegen for norsk mat

– Det er rett og slette ei grense for kor fort me kan springa utan at norsk matproduksjon og arealbruk i heile landet vert radert ut Me treng eit naudsynt inntektsløft for vestlandsbonden og andre matprodusentar i Norge. Me treng midlar til investering i næringa og me ynskjer å kunne styrke økonomien på små og mellomstore bruk. Regjeringa kjem oss ikkje i møte på desse områda, seier Nordhus.

– Det er ei ære for meg å få køyra traktor frå Voss til Oslo med bodskap om eit landbruk i heile vårt langstrakte land. Det er eit særpreg og ein beredskap som vi står i fare for å miste dersom ikkje politikarane innser alvoret. Vi toler ikkje miste mange fleire bønder før Norge vil sjå heilt annleis ut både i høve kulturlandskap og mattryggleik, held Nordhus fram.

Bøndene skal vera framme ved Stortinget tysdag klokka 12.