Over halve skog-Kvinnherad med i skogbruksplanen
Snøfallet før jul førte til pause i arbeidet med å synfara skogen i Kvinnherad. Det gir ei opning for at fleire kan hiva seg med.
Publisert
AT-Skog var i gang med feltarbeid for skogbruksplanar i november 2023. Målet var å bli ferdig før jul, men snøen som kom tidleg gjorde at arbeidet måtte utsetjast, framhaldet blir etter påske 2024. Om lag halvparten av arbeidet er utført.
– Det er stor oppslutning om planarbeidet i Kvinnherad, og det er bestilt plan for godt over 50 prosent av arealet. Det er ein ekstra sjanse til å tinga seg plan. For dei som av ein eller annan grunn ikkje har bestilt plan, kan dei no bestilla fram mot oppstart av feltarbeidet til våren, opplyser Trond Holmedal, som sit i takstutvalet saman med Francesca Galdiolo og Ragnvald Vaage.
Annonse
Skogbrukssjefen i Kvinnherad, At-Skog eller takstutvalet kan kontaktast i så fall.
