Over 30 helsearbeidarar har meldt seg til teneste
Helse Fonna gjekk torsdag ut og bad om hjelp frå studentar og pensjonistar. Fredag har over 30 helsearbeidarar meldt seg til teneste.
– Takk til alle som har meldt seg. Vi har fått søknadar eller blitt oppringt frå svært mange – både sjukepleiarar, studentar av ulikt slag, helsefagarbeidarar og assistentar. Vi ser stor pris på responsen. Vi kontaktar no dei som har kompetanse eller erfaring som klinikkane har behov for. Men det er plass til endå fleire, seier HR-direktør Helga Stautland Onarheim i Helse Fonna i ei pressemelding.