Over 100 marsjerte på Hatlestrand
Søndag vart det for fyrste gong skipa til Rosa sløyfe-marsj på Hatlestrand. Initiativet vart teke i mot med opne armar av innbyggjarane.
Publisert
Sist oppdatert
Bak arrangementet stod Hatlestrand og Ølve Turlag, IL Strand-Ulv og Hatlestrand bygdalag. Marsjen gjekk frå Hatlestrand skule og ut til Eikelandsvågen, i den såkalla Hatlestrandløypa, og tilbake til start. Over hundre deltok, og arrangørane hausta mange godord for tiltaket.
Deltakarane kunne pynta seg med glitter, og elles kosa seg med kaffi, vaflar og pølser.
