Oppmodar til bruk av hjelm

«Rett bruk av sykkelhjelm er det beste du kan gjera for å ta vare på deg sjølv når du syklar», skriv kommunen.

Ei studie frå svenske «Folksam» visar at å bruka sykkelhjelm kan hindra om lag 60% av alle sykkelrelaterte skadar som fører til kroniske hovudplager. Fleire andre internasjonale studiar visar også at bruk av sykkelhjelm reduserer den generelle risikoen for hovudskadar monaleg.

Å bruka ein sykkelhjelm er det viktigaste verktøyet ein har for å unngå skadar. Hjelmen er støtdempande og fungerer såleis som skydd for hovudet. Når ein slår hovudet utan hjelm er slagstaden meir komprimert. Brukar ein hjelm blir krafta frå samanstøtet fordelt ut over ein større flate, som gjer at sjansen for alvorlege hovudskade blir mindre.

Nokre tips til bruk av sykkelhjelm frå Trygg Trafikk:

– Bruk godkjente sykkelhjelmar

– Ikkje bruk hjelmen om den er knust eller skadd

– Ein sykkelhjelm er laga av isopor og plast (material som blir slitt over tid) og bør bytast ut kvart 7. år. Sjekk produksjonsdato når du kjøper hjelmen.

– Det er viktig at hjelmen dekkar skallen, panna, tinningane og bakhovudet

– Pass på at hjelmen sit fast slik at den ikkje fyk av om du velter eller kolliderer

Les meir om hjelm og korrekt bruk her.