Oppmodar å søke om tilskot til trafikktryggingsaktivitetar
Trafikktryggingsutvalet i Vestland deler årleg ut pengar til kommunar, skular, lag og organisasjonar som ønskjer å setje fokus på trafikktryggleik. 1,4 millionar vart delt ut i første halvår 2021, men det er meir pengar på bok til dette formålet.
Publisert
Sist oppdatert
Vestland fylkeskommune ynskjer difor no å gjere ordninga enno meir kjend og håpar på aktivitetar i heile fylket. Neste frist til å søkje på desse midlane er 1. september. Døme på aktivitetar det har vore gitt støtte til tidlegare er sykkelopplæring, trafikktryggleiksdagar, markering av refleksens dag, og ulike kampanjar.
Ordninga gjeld ikkje fysiske tiltak, men alle aktivitetar som bidrar til tryggare trafikk og trafikantar blir vurderte, melder dei.
Annonse
Våren 2021 delte trafikktryggingsutvalet ut 1,4 millionar kroner til 35 ulike arrangement og aktivitetar. Blant dei 35 arrangementa og aktivitetane var førstehjelp ved trafikkulukker, Sykkelkids, Russen sin dag, bilførar 65+ noko av det som fekk støtte.
– Nokon søkte om 300 kroner til innkjøp av vaflar for å arrangere ein positiv trafikkaksjon, med utdeling av refleks og vaflar, og ein påminner om å køyre forsiktig, seier Eva Vinjevoll, rådgjevar i Vestland fylkeskommune.
