Opnar ikkje Perla for julebord i år
Same dag som regjeringa la fram sin pakke til straumstøtta, slår Elin Enes fast at det ikkje er rekningssvarande å invitera til julebord i Vertshuset Perla.
Publisert
Sist oppdatert
– Det kostar oss minst 5-6000 kroner å varma opp huset for ein kveld. Då vurderer me at me ikkje kan ta den kostnaden, for me kan ikkje laga til arrangement som me går i minus på, seier kokk og restaurantgründer Elin Enes om avgjersla hennar.
Ho ser at alternativet til arrangement i vertshuset i sjøkanten i Uskedalen, er å tilby julebord i mindre skala i restauranten sin i Rosendal. Straumstøtteordninga til bedrifter, som regjeringa offentleggjorde på fredag, stiller ho seg avventande til.
Annonse
– Eg er redd det krev investeringar for å få støtte, og då et det eine opp det andre. Eg er heldig og har ein mann som kan hjelpa meg med å gjera papirarbeidet som følgjer med søking av støtte. Dei som ikkje har det, endar ofte opp med å betala store summar for å få stilt seg i søknadskøen, vurderer Enes.
