Opnar for søknader året rundt

Måndag var det den halvårlege utdelinga av gåver frå stiftinga. 20. november opnar dei søknadsportalen igjen for nye søknader. Samtidig gjer dei ei endringa som kan koma mange til gode.

– Me vil ikkje berre avgrensa tida søknader kan bli sendt inn til tida rundt dei store utdelingstidene. Samtidig vil me behandla søknader på inntil 30.000 kroner fortløpande gjennom året, og behandlingstida på desse blir kring seks veker frå søknaden er motteken til svaret føreligg, opplyste dagleg leiar for Sparebank1-stiftinga Kvinnherad Bente Nilsen under seansen på måndag.

Gåver på 30.000 kroner blir handsama på same måte som no, og delt ut når stiftinga har sine to store utdelingar på vår og haust.

Måndag vart 7.373.000 kroner delt ut til 80 gåvemottakarar.