Opnar for drop-in for fjerde vaksinedose

Fredag føremiddag informerte Kvinnherad kommune om at dei no opnar opp for fjerde vaksinedose for alle over 65 år. Folkehelseinstituttet vurderer at kommunane ikkje bør utsetje oppstart av vaksinering av aldersgruppa 65 -74 år lenger enn naudsynt.

– For å kunna gje eit tilbod til alle over 65 år vil vi ha to dagar i Rosendal samfunnshus og to dagar i Husnes kulturhus der folk kan møta opp, står det på kommunen sine sider.

Tysdag 13. september og tysdag 4. oktober blir det drop-in i Rosendal, medan det blir mogeleg å få vaksinen på Husnes torsdag 22. september og onsdag 28. september.

Apoteka på Husnes kjem framleis til å ha timar for vaksinering.

Minst 3 veker

Folkehelseinstituttet seier at dersom ein nyleg har hatt korona (Omnikron), bør det gå minst 3 veker etter at du er frisk, til du tek oppfriskningsdosen.

– Me vil i løpet av kort tid vurdera behov for oppfriskningsdose og koma med informasjon om tidspunkt for oppstart av vaksinasjon til personar i aldersgruppa 18 - 64 år med underliggjande risiko for alvorleg sjukdomsforløp.