Opna to av dei stengte vegstrekningane

I ti-tida tysdag føremiddag avgjorde Vestland fylkeskommune at rasfaren knytt til strekninga Tveitnes - Sunndal var gått så mykje ned at trafikken forbi blant anna Kroka no er opna for fri ferdsle.

Det er likevel verd å merka seg at det pågår vegarbeid fleire stadar på strekninga Årsnes - Sunndal.

Også strekninga frå Eitreim til Sunndal er også opna. Folgefonntunnelen har vore stengt grunna stor risiko for ras ved inngangen til tunnelen frå Austrepollen-sida, der det har gått ras ved tidlegare høve.

Gjetingsdalen - Nordrepollen og Austrepollen til Jondalstunnelen på Jondal-sida er framleis stengte av preventive omsyn. Det er heller ikkje råd å koma seg til Utne ferjekai, enn så lenge.