Opna julegata på Husnes Storsenter
Det er førjulsaktivitet over heile kommunen for tida, og senteret på Husnes er sjølvsagt ikkje noko unntak. Der var det julegateopning laurdag.
Det blir ekstra god julestemning med live-musikk, og det fekk ein då ein kom inn på storsenteret på laurdag. Her spelte Trio Taffel eit knippe veldig fine songar, som sørga for at skuldrene kunne senkast litt i julehandelen.
Ungar fekk utdelt mandariner, og det var mange som kosa seg med å sjå på pepperkakehusa som tek plass på det store bordet midt i senteret. Her har både barnehagar og skular som vanleg vore aktive og stilt ut fantastiske peparkake-kreasjonar, til og med nokon med politiske bodskap.
Annonse
Etter at Trio Taffel hadde spelt ferdig, var det kulturskulelærarar som tok over «scena», og sytte for vakker musikk.
Det var fleire salsboder, der både senterbutikkar og andre produsentar selde sine varer.
