Ønskjer mammografibussen attende til Kvinnherad
I forkant av det komande kommunestyremøtet, 25. november, har Synnøve Solbakken (Ap) fremja dette ønskjet i form av ein interpellasjon til ordføraren.
Publisert
Sist oppdatert
I førespurnaden peikar Solbakken på at Kvinnherad-kvinnene mellom 50-69 år har måtta reisa til Bergen for å delta i mammografiprogrammet dette året.
«Mammografibussen skulle etter programmet vore i Kvinnherad i år, men på grunn av pandemien blei det ikkje slik. Fleire kvinner har takka nei til å reisa frå Kvinnherad til Bergen for undersøking, nokon har fått kome til Stord, der bussen er i drift, og nokon har reist til Haugesund.» skriv ho.
Annonse
Vidare peika ho på frustrasjonen som har bygd seg opp rundt denne situasjonen, då det har medført lengre reise, at ein har tronge fri frå arbeid. Det har ei kostnadsside, som kan føra til redusert oppmøte, slår ho fast, før ho held fram.
«I eit miljøperspektiv er det meir klimavenleg å ha buss i Kvinnherad enn at kvinner køyrer/reiser kvar for seg, mange ønskjer å nytta mammografiprogrammet her lokalt. Eg er kjend med at det blir arbeida for å etablera eit Brystdiagnostisk senter i Helse Fonna ved neste screeningrunde frå 2022 for kvinner i Sunnhordland og Hardanger. Det er fleire alternative løysingar for etablering av BDS (brystdiagnostisksenter) i Helse Fonna. Eit av fire alternativ er Mammografibuss som i dag for kvinner i Sunnhordland og Hardanger.»
Avslutningsvis stiller ho dette spørsmålet til ordføraren:
