Omvikdalen og Seimsfoss råka av straumbrot
631 kundar var ein periode utan straum i området mellom Omvikjo og Skeie, melder BKK tysdag kveld.
Publisert
Sist oppdatert
I 2130-tida var talet på kundar utan straum 631, i følgje BKK si straumbrot-oversikt (ekstern lenke). Etter kvart har fleire fått straumen tilbake, og i 22-tida var talet nede på 349.
Då klokka passerte 2300 var talet kome ned i 134, og området redusert til Guddal, Naterstad, Seim og Skeie.
Annonse
Grunnen til straumbrotet er inntil vidare uviss, men tidspunktet for straumbrotet samanfell med tre tilfelle av smell og gneistregn frå 66 kV-linja som går forbi Malmanger i Rosendal, utan at Grenda kan seia at det heng saman.
