Odelsgut og fantefølge: Vann Gullruten for beste klipp dokumentar
27. april vart Gullruten sin fagpris delt ut på Edderkoppen Scene i Oslo.
Publisert
Sist oppdatert
Av tre nominerte i kategorien Beste klipp dokumentar var det Erland Edenholm som gjekk av med sigeren for arbeidet med «Odelsgut og fantefølge».
Dokumentaren er, som dei fleste kvinnheringar truleg har fått med seg, laga av Merthe Offerdal Tveit, og har tidlegare vore nominert til fleire prisar. No kan filmen, er produsert av Stray Dogs Productions for NRK, også smykka seg med prisen for beste klipp.
Annonse
Bravo!
– Jammen vant ikkje Erland Edenholm pris for beste klipp med Odelsgut og fantefølge under Gullruten. Bravo! Stolt på dine (og på egne) vegne, skreiv den lokale regissøren på Facebook.
Då nominasjonen vart kjend 8. april la også klipparen ut ei takksam helsing på nemnde plattform:
– Odelsgutt og fantefølge kjem ut av eit veldig godt samarbeid og mykje tillit. Dette er også ein nominasjon til Stray Dogs Norway, og spesielt Merethe Offerdal Tveit og Kristine Ann Skaret. Ein spesiell takk til Aslaug Holm, som såg kva som trongs for å skru filmen til, når alle andre hadde tunnelsyn. Tusen takk, eg føler meg veldig beæra.
