Oddakonsertene med ny storsatsing: inviterer lokal ungdom til å bli med på «Katastrofe»
Oddakonsertene har nyleg utvida aktiviteten deira til å gjelde også for Kvinnherad. No har aktøren ein ny konsert i støypeskeia, og dei håpar at lokal ungdom vil bli med.
Publisert
Sist oppdatert
På engelsk har prosjektet den litt mindre dramatiske tittelen «Life in 47 minutes».
Gunn Elton Gravdal er primus motor for Oddakonsertene, og for det komande prosjektet har ho fått Martine Tufvesson Lundberg med seg på laget. Lundberg var også regissør for den tidlegare oppsette musikal-suksessen deira, «Albert og Leonie», noko som lovar bra.
Annonse
– Konserten vi no skal sette opp, er heilt spesiell. Første konserten i slutten av mars blir ei prøvevising, etter tre dagar workshop. Planen er at det skal bli ei større førestilling som vi vil ta ut på vegen i 2023, forklarar Elton Gravdal til Grenda.
Internasjonalt perspektiv
«Life in 47 minutes» er eit prosjekt med internasjonalt perspektiv. Greta Thunberg, Boris Johnsen og Margaret Tatcher er indirekte med i førestillinga, og dei profesjonelle utøvarane syng dessutan på samisk, japansk, islandsk, engelsk og norsk.
Dei profesjonelle artistane som er henta inn til prosjektet er Vegard Bjørsmo, mellom anna kjend frå Stjernekamp i 2020, dansaren Aslak Nygård, islandske Margrét Erlendsdóttir, utøvar innan song, skodespel, dans og musikkteater, samt norsk-japanske Nami Kitagawa Aam, som er dansar og skodespelar.
Annonse
– I tillegg ynskjer me eit stort lokalt kor, og mogeleg nokon solistar, informerer ho vidare, og her er det altså ope for lokal ungdom å melda seg til scenekunst-teneste.
I følgje Hardanger Folkeblad, blir det gjennomgang og øvingar i februar, før det er klart for workshop og førestilling i slutten av mars. Det er dette dei lokale utøvarane som blir med skal delta på.
Fokus på miljø og klima
Handlinga i førestillinga dreiar seg om jordkloten sine utfordringar.
– Me beveger oss frå kloden sitt opphav, via regnskogen i Amazonas, vulkanutbrot på Island, flaum på Vestlandet, tsunami i Thailand. I det heile; me rettar fokuset mot dei menneskeskapte naturkatastrofane som me kanskje kan påverke i riktig retning. Målet er å få ungdom til å bli endå meir engasjert i miljø- og klimasaka.
Komponistar bak musikken til verket er Lars Eirik Støle (Vamp - bildet), Torbjørn Økland (ex-Vamp), Gunn Gravdal Elton, Vegard Fossum og Rudolf Fredly. Førebels er det usikkert kor førestillinga vil visast, men kinosalen og fabrikklokala i Lindehuset vert nemnd som dei to aktuelle arenaene.
Annonse
Prosjektet er støtta av Sparebank1-Stiftinga Kvinnherad, Ullensvang kommune og Sparebanken Vest.
Oddakonsertene vart etablert i 2005, og har til no arrangert langt over 100 konsertar.
