Odd Henning Saghaug har no eit mål om å vinna Grenda sin Fantasy-liga.

Odd Henning nærmar seg teten: – Hemmelegheita er gode diskusjonar med kameratar

Odd Henning Saghaug har klatra opp til ein 3. plass i Grenda sin Fantasy-liga. No går Sandvoll-karen for sigeren.

Publisert Sist oppdatert

– Sigeren i Grenda-ligaen har eg strengt tatt hatt fokus på i nokre veker allereie, smiler Saghaug.

Men fokuset vart nok ekstra stort etter helgas runde. For med 72 poeng klatra han forbi Bernt Bjørsvik og Arild Gjertsen, og opp på ein 3. plass.

– Så langt har sesongen vore veldig bra for meg, sjølv om eg har irritert meg over nokre dårlege kapteinsval, seier han.

I runden som gjekk, var nok irritasjonen stor då Odd Henning såg at Kevin de Bruyne, mannen han hadde gjort til kaptein, ikkje starta. Men irritasjon vart raskt til glede då visekapteinen Alexandre Lacazette herja.

Vil tripla Kane

Litt flyt må han ein ha for å gjera det godt i Fantasy, men flyt fører deg ikkje heilt opp blant verdas 9.000 beste spelarar. Så kva er hemmelegheita for Odd Henning?

– Det må vera gode diskusjonar med kameratar. Eg har òg hatt fokus på at spelarane mine skal spela nokolunde fast på klubbane sine. I tillegg høyrer eg på Fantasypodden, som er bra for langsiktig planlegging, seier han og legg til:

– Eg bruker litt tid på det, men eg er verken på Twitter eller Instagram, så det vala vert mest teke på rein magekjensle.

Den komande runden har Tottenham, favorittlaget til Odd Henning, dobbeltkamp. Noko som får manageren i «Ballesnerk FC» til å tenkja på trippelkaptein-knappen.

– Eg går og lure på ein trippelkaptein på Harry Kane. Elles så trur eg ar Arsenal og West Ham-spelarar kan gjera det godt i runden som kjem, seier han.

Topp 10 Grenda-ligaen

1. «Bjartolini FC» - Bjarte Keilen2079 poeng
2. «Bamsebukt XI» - Øyvind Bjørnevik2068 poeng
3. «Ballesnerk FC» - Odd Henning Saghaug2060 poeng
4. «AC Arildonieri» - Arild Gjertsen2052 poeng
5. «Lykke & Fromme» - Bernt Bjørsvik2049 poeng
6. «Kaldestad Spurs» - Håkon Haga2046 poeng
7. «Stian-Flax» - Stian Vika2036 poeng
8. «Swing Kings» - Jostein Arnesen2024 poeng
9. «Los Guerreros» - Daniel Øvstebø2017 poeng
10. «Kenneth's Kickers» - Kenneth Røssland2010 poeng
Odd Henning: Odd Henning Saghaug har no skumle planar om å vinna heile Grenda-ligaen.
Powered by Labrador CMS