– Obduksjonsrapporten styrkar politiet sin mistanke
Fredag kom meldinga frå Vest politidistrikt om at den foreløpige obduksjonsrapporten styrkar politiet sin mistanke om at Renate Normann blei utsett for dødeleg vald.
Publisert
Sist oppdatert
– Dei påviste skadane er ikkje foreinelege med eit fall. Politiet kan på noverande tidspunkt ikkje gi ut fleire detaljar frå rapporten, fordi denne informasjonen først må gjeast til pårørande og sikta, melder kommunikasjonsdirektør Arne Lutro ved Vest politidistrikt.
Politiet melder elles at etterforskinga pågår for fullt, og t politiet er i ferd med å danna seg ein god oversikt over hendingsforløpet.
Annonse
– Politiet kan på noverande tidspunkt ikkje kommentera kva gjenstand som er tatt i beslag og som me har grunn til å tru er knytt til handlinga. Årsaka til dette er at opplysninga kan påverka vitne, og at me ønskjer nytt avhøyr av den sikta før me går ut med denne informasjonen. Når dette avhøyret vil bli gjennomført, kan me ikkje seia sikkert, melder Lutro.
Etterforskingsleiinga og krimteknikarar var på Varaldsøy onsdag for synfaring og nye tekniske og taktiske undersøkingar.
