Nytt Ytre-møbel utstilt på Håndverk+
For femte år på rad viser Håndverk+ fram nye designtalent gjennom ei utstilling. I år, som i fjor, er designtrioen i Ytre representert.
Publisert
Sist oppdatert
Utstillinga Håndverk+ finn stad på Format i Oslo. Dørene opna den 22. september og utstillinga blir ståande i fem veker. Designarane som deltek på utstillinga har dette året fått bryna seg på temaet Transformasjon.
Designtrioen Ytre, med Rosendelingen Njål Thunold Hatteberg, vart invitert til å delta på Håndverk+.
Annonse
Mjølkekrakk-renessanse
Der stiller dei med krakken «Grip», i lag med det den lokale møbeldesignaren kallar ein herleg gjeng designarar og kunsthandverkarar.
– Vi omtolka mjølkekrakken som gjerne har fått ein renessanse i seinare tid. Årsaka til at mjølkekrakken har blitt sett i fokus trur eg har med krakken sin estetiske og funksjonelle kvalitetar, samstundes som den er proppa av historie tradisjon, forklarar Hatteberg, før han held fram:
– Dei fleste gardane hadde ein eller fleire mjølkekrakkar i bruk og alle hadde noko variasjon i utforming. Med Grip ynskte vi å tilføra vår formgjeving på møbelet og gje den ein innpakning i nytt material.
Annonse
Ytre har i utstillinga selskap av desse designarane: Jenkins & Uhnger, Guri Sandvik, Anette Krogstad, Elisabeth Stray Pedersen, Ali Gallefoss & Fredrik Bull, Anna Maria Øfstedal Eng, Njål Andreassen, Kaja Dahl, Marthine Spinnangr, Fold Oslo og Nora Kielland.
