Nytt møte om høyringsuttalar
Frist for å senda inn høyringsuttale til NVE for den planlagde 420 KV-linja er 16. januar. Rosendalstiftinga skal no arrangera eit siste samordningsmøte.
Publisert
Sist oppdatert
Rosendalstiftinga inviterer til samling torsdag 9. januar i Steinparken, dette for å samordna og finpussa på uttalane til kraftlinjeplanane.
– Det er no vi har høve til å påverka avgjerda. Dette er ei sak som vil ha store konsekvensar for svært mange, og for natur- og kulturlandskap i lang tid framover. Andre stadar blir det lagt kablar i sjø og i fjelltunellar, så det er ingen grunn til at vi skal stå med lua i handa. Mellom anna kommunepolitikarane våre har peika på både tunellalternativ frå øvst i Omvikdalen innover mot Årsnes, og fleire alternativ med sjøkabel. Dess betre samordna høyringsuttalane er, desse større gjennomslagskraft, opplyser Øystein Skaala i Rosendalstiftinga.
