Nytt krav om nullutslepp
– Noreg skal nå klimamålet me har sett oss under Paris-avtalen. Då er me nøydde til å ta i bruk fleire verkemiddel. Difor innfører me no krav om nullutslepp i offentlege kjøp av ferjer og ferjetenester, seier samferdselsminister Jon-Ivar Nygård.
Kravet vert innført frå 1. januar 2025. Den nye forskrifta er heimla i anskaffelsesloven.
– Transportsektoren står for om lag ein tredjedel av klimagassutslepp i Noreg, og om lag 60 prosent av de ikkje-kvotepliktige utsleppa. Det må me ta på alvor. Ferjene har eit estimert klimagassutslepp på 335 tusen tonn CO-ekvivalentar, og desse krava vil kunna føra til at mykje av desse utsleppa vert kutta, seier Nygård i ei pressemelding.
Annonse
Høve for unntak
Regjeringa legg opp til enkelte høve for å få unntak. Ein kan få unntak der det vert brukt biogass, for vedtekne ferjeavløysingsprosjekt, der det ikkje kan sikrast tilgang til straum, der det ikkje er teknisk eller økonomisk gjennomførbart, og for hybride løysingar. Der kravet ikke er gjennomførbart, bør hybride løsninger tilstrebes, står det å lesa i pressemeldinga frå Samferdsledepartementet.
Som kompensasjon for kravet blir rammetilskotet til fylkeskommunane i 2025 auka med 50 millionar kroner. Kompensasjonen vil bli justert årleg, for å stemma med meirkostnadane ved innføring av kravet.
Klima- og miljøminister Tore O. Sandvik minner om kva Noreg har forplikta seg til då Erna Solberg skreiv under Parisavtala.
Annonse
– I 2050 skal Noreg vera eit lågutsleppssamfunn med 90-95 prosent lågare klimagassutslepp. Ferjene er viktige for å sikra at folk kan arbeida og bu i hele landet. Eg er glad for at me no får på plass regelverk som vil bidra til ei naudsyn omstilling i skipsfarten, seier han.
