Nyfiken på vidareforedling av frukt og bær?

Kvinnherad kommune fortel i ei pressemelding at dei har fått prosjektmidlar frå Vestland fylkeskommune for å auka kompentansen og sjå mogelegheiter for frukt- og bærproduksjon i Kvinnherad.

– Dette handlar om at fruktlagera ikkje lenger tek i mot noko særleg nye kundar, og som fruktbonde er det mykje meir ein kan gjera med avlinga enn berre å selja ho som rein frukt. Ein kan tørka, laga syltetøy, cider eller eplemost for å nemna noko, forklarte Karin Thauland.

– Men ein treng sjølvsagt ikkje vera fruktbonde eller dyrka i stor skala for å bli med på denne turen, den er for alle som ynskjer å bli med, la ho til.