Nye system oppe og går - har du kome deg inn?

Dagleg leiar i Grenda, Jarle Håvik, fortel at det stort sett har gått greitt å koma seg inn i nye system. 

– Det er mykje å setja seg inn i og mykje som skal lærast, men vi håpar ikkje lesarana våre har merka det for mykje, seier han. 

Det som nokon kanskje kan ha merka, var skriftstorleiken i papiravisa på torsdag.

– Dei som har laga malane som vi brukar, har dessverre ikkje teke omsyn til ønska våre. Men no har vi fått fiksa skrifta og nokre andre små, grafiske ting som ikkje var heilt som det skulle, seier han, som legg til at allereie i tysdagsavisa denne veka vil det vera noko større skrift i papirutgåva. 

App og nytt passord 

For det meste har det vore grei skuring å få lesarane inn i dei nye systema.

– Men det er store mengder data som har blitt overførte frå eit system til eit anna. Dermed har nokre få brukarar dessverre ikkje kome rett med inn i det nye systemet, seier Håvik, og legg til at det er viktig at folk tek kontakt.

– Ein skal ikkje sitja og lura om ein ikkje får logga seg inn på Grenda. Då er det berre å ringa, senda ein e-post eller koma innom oss på kontoret i Skålagato, så skal vi få fiksa det, fortel han. 

Nokre har også hatt litt utfordringar med å koma seg inn i ny app. Der har dagleg leiar eit godt råd. 

– Det er viktig at ein slettar den gamle appen før ein søkjer opp og lastar ned den nye. Også dette er noko vi kan prøva å hjelpa med, sluttar Håvik.