Ny utstilling i Guddal: Inspirert av naturen og japansk kunst og kultur

Kunstnarane Karin Augusta Nogva og Bernt Erik Myrvoll stiller ut høvesvis grafikk og tekstil, samt måleri.

– Nogva og Myrvoll har begge ein stor lidenskap for handverket, og jobbar med ein nærleik til tema innan natur, biologi og økosystem. Dei har begge eit brennande tematisk engasjement for naturen og verdien av dette i kunsten sin, seier Gøril Guddal om kunstnarane i ei pressmelding.

Lokale råvarer

Vidare kjem det fram at Nogva og Myrvoll vil skapa ei utstilling med fokus på visuell forteljing med handverk og material.

– Nogva stiller ut tekstilar og grafikk inspirert av japansk kunst og kultur, og Myrvoll vil visa monumentale abstraherte måleri der fargen er henta ut frå fargeklangen som finst i naturen, uttalar Guddal.

Kunstnarane og utstillinga vert beskrive slik:

«Dei siste åra har ein auka bevisstheit rundt det lokale gjort seg aktuell, både med tanke på naturresursar og naturverdiar. Det har inspirert kunstnarduoen til å arbeida saman, som kvar for seg er kjend for å vera politisk aktiv i sin kunst innan biletkunst og performance. Nogva med den performative menneskefuglen «Fuglevokteren» og Bent Erik med det mobile prosjektet «Norsk Kuntsambulanse. Det er duka for eit møte mellom kunstnarane og lokale råvarer i Rosendal.»

På opningsdagen vil det også bli ein kunstnarsamtale ved Ole Torp, tidlegare NRK-journalist.