Ny styreleiar i Kvinnherad Energi
Magne Heimvik har blitt oppgradert frå styremedlemplass til styreleiar for den kommunale mjølkekua Kvinnherad Energi.
Publisert
Sist oppdatert
Den mangeårige konsernsjefen for Sunnhordland Kraftlag, Magne Heimvik, er opphavleg frå Utåker, men gjorde stordabu av seg for lenge sidan. Han pensjonerte seg frå leiarjobben i 2018, men har likevel hatt straumrelaterte verv sidan den gong. Han har blant anna vore styreleiar for BKK Nett etter at han slutta i SKL.
Hans noverande verv i styret til Kvinnherad Energi blir altså oppgradert til leiar. Til styremedlemsplassen Heimvik vart oppgradert frå, kjem ein annan SKL-veteran inn, Jan Petter Myhre frå Halsnøy. Marit Bakke held fram som styremedlem, og Hege Lægreid Røssland og Jostein Saghaug held fram som varamedlemmer.
