I kveld brakar det laus - hugs å melda deg på

Grenda-ligaen i Fantasy Premier League har vore ein enorm suksess. I kveld er det straks klart for ein ny, spennande sesong.

Dei tre siste sesongane har folk kunna vera med i Grenda-ligaen, noko svært mange har slege til på, i fjor nesten 400. Konkurransen er open for alle med tilknyting til Kvinnherad, og med tilknyting meiner vi at du på eit eller anna tidspunkt i livet har hatt Kvinnherad som fast bustadadresse.

Ny sesong av Premier League startar allereie fredag 5. august. Fyrste kamp er London-duellen Crystal Palace-Arsenal. Tidlegare deltakarar i Grenda-ligaen vert automatisk med straks dei opprettar eit lag. Men vi tilrår sterkt at ein hugsar å gjera det innan 5. august, slik at ein sankar poeng frå fyrste spark på ballen.

Nye deltakarar kan melda seg på ved å tasta inn koden: na11ah.

Det ser ut til å bli ein spennande og jamn sesong både i Premier League og i Grenda-ligaen. I sistnemnde har allereie over 340 deltakarar meldt seg på.