Ny runde stimuleringsmidlar til Kvinnherad
Måndag gjorde regjeringa klart at dei deler ut 250 nye millionar til dei kommunale kompensasjonsordningane. Kvinnherad får 341.000 av desse kronene.
Publisert
Sist oppdatert
Det er 16 kommunar i Vestland fylke som får midlar til fordeling. Særleg servering, overnatting, sport og fritid, konferansar messer, kunst og underhaldning skal tilgodesjåast i denne runden.
– Denne tildelinga skal støtta er dei som har klassisk konferanseaktivitet. Pengane skal vera på kommunen sin konto innan 1. mars. Kommunane står fritt til å velja korleis dei tildeler, Kvinnherad har tidlegare basert seg på søknader, men kan også tildela direkte, seier stortingsrepresentant Hans Inge Myrvold (Sp) om tildelinga.
Annonse
3,8 milliard kroner tildelt kommunane for vidare utdeling til no. 4,3 millionar kroner med denne tildelinga har gått til Kvinnherad.
– Me er glade for at bedriftene igjen kan driva som normalt. Samtidig har mange verksemder i utsette bransjar vore gjennom ein ny, krevjande periode i vinter. Midlane er fordelt til kommunane etter tal tilsette i næringane som var hardt råka av tiltaka i desember og januar, seier kommunal- og distriktsminister Bjørn Arild Gram (Sp).
Kommunar med mange arrangement og mykje servering kommer godt ut.
– Eg forventar at kommunane sørger for at pengane kjem raskt ut til dei lokale verksemdene som treng det mest, sluttar ministeren.
