Ny rekord også i 2024

Det kjem fram av trafikkdatabanken til Statens Vegvesen.

Ti av tolv månader i 2024 opplevde ein auke i trafikken gjennom Folgefonntunnelen. Berre januar og april hadde ein knapp nedgang. September blei den månaden med høgast auke, med ein variasjon på 210 køyretøy frå året før.

Ser ein på den gjennomsnittlege døgntrafikken per år, hamna fjoråret på 1731, mot 1633 året før.

Vegarbeid

Strekninga Årsnes-Austrepollen har hatt trafikkale problem som følgje av det omfattande vegarbeid som har pågått her dei siste åra, men 28. juni stod endeleg den nye Krokatunellen klar til bruk. Nokre månadar seinare, i september, var det klart for snorklipp og politikarbesøk.

Tala viser ein jamn auke i trafikken etter den uofisielle opninga i sommar, og i juli månad blei det registrert over 3000 køyretøy gjennom Folgefonntunnelen, altså blei dette den travlaste månaden nokon gong registrert i tunnelen.

Det er ikkje utenkeleg at den oppgraderte vegen kan vera ein faktor til denne utviklinga.

Gjennomsnittleg døgntrafikk per år

2001 - 457

2010 - 633

2014 - 992

2015 - 1103

2019 - 1404

2020 - 1343

2021 - 1514

2022 - 1591

2023 - 1633

2024 - 1731

* Folgefonntunnelen opna 15. juni 2001, og vart gratis 15. juni 2016.