Ny hovudsponsor for KHK
Etter mange år som støttespelar for Kvinnherad Handballklubb (KHK), tek Sparebank 1 Sør-Noreg steget opp og blir hovudsponsor.
Publisert
«Kvinnherad Handballklubb (KHK) er stolte over å kunngjera at SpareBank 1 Sør-Noreg går inn som ny hovudsponsor for klubben. Etter mange år som ein viktig støttespelar, tar banken no samarbeidet til eit nytt nivå for å vidareutvikla handballen i Kvinnherad og styrka aktivitetstilbodet for born og unge», står det i ei pressemelding måndag.
Den nye sponsoravtalen gir KHK økonomisk støtte til å realisera sitt mål om å skapa eit miljø der alle kan delta – både dei som ønskjer å satsa på ein handballkarriere, og dei som ser handballen som ein givande fritidsaktivitet.
Annonse
«Klubben legg stor vekt på fysisk og mental helse, og ønskjer å bidra til eit trygt, inkluderande og føreseieleg miljø for born og unge i lokalsamfunnet», vert det opplyst.
Visjon
– Vårt mål er at dei som startar med handball skal ha gleda av sporten lenge. Sparebank 1 Sør-Noreg sin støtte gjer det mogleg for oss å byggja vidare på denne visjonen, og gje alle moglegheita til å bli best mogleg ut frå sine eigne føresetnader, seier sponsoransvarleg Kjetil Larsen i KHK i pressemeldinga.
Banken deler klubben sitt fokus på fellesskap og utvikling.
Annonse
– Vi er stolte av å kunne styrka vårt samarbeid med KHK, ein klubb som bidreg til eit positivt og inkluderande miljø i Kvinnherad. Som lokalbank ønskjer vi å støtta aktivitetar som gir born og unge trygge og gode moglegheiter til å utvikle seg, både på og utanfor banen, seier Magne Christiansen, som er banksjef for Husnes og Ølen.
